Файрфокс дахь вэб хөгжүүлэгчид хэрэгтэй багажууд

Вэб хөгжүүлэгчиддээ зориулаад өдөр тутмынхаа ажилд байнга хэрэглэж байдаг багажуудаасаа танилцуулахъя. Файрфокс дээр адд он болж ажилладаг болохоор суулгахад хялбар хаана л бол хаана ашиглаж болно гэсэн үг.

 

Firebug

Нэр нь нэг их сайхан боловч дотроо бол алт л агуулж байдаг эд дээ. Үүнийг ашиглаад  хөгжүүлж буй вэбийнхээ HTML кодыг хянах, форматыг шууд өөрчилж туршиж үзэх, сүлжээгээр ямар өгөгдөл яаж дамжиж байгааг харж болохоос гадна жаваскрипт дэбаг хийж болдог. Бас энэ адд он дээр суулгаж ажиллуулж болдог өөр нэмэлтүүд хүртэл гарсан байдаг. Мөн өөрийн жаваскрипт дотроос консолоор нь дамжуулаад дэбаг мэдээлэл харах боломжтой.

 

Web developer

Тоочоод баршгүй олон төрлийн функцууд бий. Чухлаас нь дурдвал вэб хөгжүүлэгч  вэбийнхээ HTML элементүүд, CSS формат болон Cookie-г харах, анализ хийх өөрчилөх боломжтой.

 

Tamper Data

Энэ багаж нь вэбийн HTTP протоколоор дамжиж байгаа өгөгдлүүдийг хянах боломжийг олгож өгдөг.

 

ColorZilla

Вэб хуудас дээр харагдаж байгаа ямар ч бичиг болон зургийн өнгүүдээс сонгож кодоор нь харуулдаг. Үүнээс гадна шинээр өнгө найруулж харж болох хэрэгсэлтэй. Энд тэндээс гоё өнгө харвал шууд л кодыг нь мэдээд авна гэсэн үг.

 

MeasureIt

Дөрвөлжин зурж өргөн өндөрийн хэмжээг нь харуулах маягаар элементүүдийн том жижиг хоорондын зай зэргийг мэдэж авах боломжтой. Дизайний гаргасан вэбийн загварыг HTML рүү шилжүүлэхэд их хэрэг болдог.

IE Tab

Вэбээ Internet Explorer дээр шалгаж үзэх гэвэл үүнийг ашиглаж боломжтой. Мэдээж IE компьютер дээр чинь байхгүй бол шүү дээ.

 

Read It Later

Ямар нэг гоё эсвэл чухал материал интэрнэт дээр олчихоод унших зав байхгүй байвал дараа уншихаар нөөцөлөх боломжийг олгодог.

 

Delicious

Хэрэгтэй вэб хаягуудаа нэг нэгдсэн газар тэгээд буцааж олоход амарханаар хадгалаад байвал ч хэрэгтэй дээ.

 

BabelFish

Хэрэгтэй материалууд л гадаад хэл дээр байгаад байвал үүний тусламжтайгаар сайн мэддэг хэл рүүгээ хөрвүүлээд унших боломжтой. Хэрэглэхэд төвөггүй их амар эд.

 

Энэ хэдтэй байхад ч дутагдаад байх зүйл гарахгүй л боловуу. Мэдээж өшөө илүү файрфокс дээр хэрэглэгддэг сайхан багажууд байвал сэтгэгдэл дээр хуваалцаарай.